பெயர் : தஜ்ஜால்
புனைப்பெயர் : மஸீஹ் தஜ்ஜால்
குடும்பம் : குழந்தை பிறக்காத மலடன்
தோன்றும் காலம் : இறுதி நாளின் சமீபம்
தோன்றும் இடம் : மதீனா நகரின்
கீழ்த்திசையில் ஈராக், சிரியா
நாடுக்களுக்கிடையே உள்ள குரஸான்
(ஆப்கானிஸ்தான்) என்னும் பகுதியில்.
அவனது இனம் : யூத இனம்
வாழும் காலத்தின் அளவு : நாற்பது
நாட்கள்
விளக்கம் : அவன் வாழும் நாற்பது
நாளில் ஒரு நாள் ஒரு வருடம்
போன்றும், இன்னொரு நாள் ஒரு மாதம்
போன்றும், மற்றொரு நாள் ஒரு வாரம்
போன்றும் இருக்கும். மீதமுள்ள நாட்கள்
சாதாரண நாட்களைப் போன்றும்
இருக்கும் .
அவனது தோற்றம் :
1. திடகாத்திரமான இளைஞன்,
சிவப்பானவன் .
2. மரக்கிளை போன்று அடர்த்தியான
சுருட்டை முடி உடையவன் .
3. ஒரு கண் ஊனமுற்று, மற்றொரு கண்
நிலை குத்திய நிலையில் பச்சை நிறக்
கண்ணாடி போன்று பார்வை உடையவன்
4. குட்டையானவன், குண்டானவன் .
5.அதிக இடைவெளி உள்ள கால்களைக்
கொண்டவன்.
6. நெற்றியில் காஃபீர் என எழுதப்பட்டவன்.
அவன் பிரவேசிக்கும் இடம் ; மக்கா,
மதீனா,தூர் சீனா மலை, பைத்துல்
முகத்தஸ் ஆகிய நான்கு இடங்களைத்
தவிர உலகின் அனைத்து பகுதிகளும்.
அவனது அதிசய வித்தைகள் ;
1. பொய்யான சுவனம் நரகம்
வைத்திருப்பான் .
2. சுவையான நீர் நதிகளும் நெருப்பு
நதிகளும் வைத்திருப்பான் .
3. மலை போன்ற ரொட்டிகளை
(உணவுப்பொருட்களை)
வைத்திருப்பான்.
4. மழை பொழிய வைப்பான்.
5. பிறவிக் குருடு மற்றும்
வெண்குஷ்ட
நோய்களை குணப்படுத்துவான்.
6. ஒருவனை ஒரு முறை மட்டும்
கொன்று விட்டு
மீண்டும் உயிர்ப்பிப்பான்(மறுமுறை
செய்ய இயலாது)
7. மேய செல்லும் கால்நடைகளை ஒரே
பகலில் கொழுக்க வைப்பான்.
8. பூமியில் புதையல் உள்ள இடங்களை
அறிந்திருப்பான்.
அவனது கொள்கை : தானே இறைவன்
என வாதிட்டு, மக்களை ஈமான் கொள்ளச்
செய்வது.
அவனது மரணம் :
இஸ்ரேலின் தலைநகரான
டெல்அவிவ்வுக்கு அருகில் உள்ள
லுத்து என்னும் இடத்தில் வைத்து
மர்யம் (அலை) அவர்களின் மகன் ஈஸா (அலை)
அவர்கள் அவனைக் கொல்வார்கள்.
தஜ்ஜாலின் பெயர்கள்:
மஸீஹ்ஹுத் தஜ்ஜாலுக்கு பிரபல்யமான வர்ணனையைக் கொண்டு பெயர் வைக்கப்பட்டுள்ளது.
இவனுக்கு நான்கு பெயர்கள் உண்டு :
1- மஸீஹுத் தஜ்ஜால்
நபி (ஸல் )அவர்கள் கூறினார்கள் நீங்கள் மஸீஹுத் தஜ்ஜாலின் சோதனையில் இருந்து அல்லாஹ்விடம் பாதுகாப்புத் தேடுங்கள் (நூல் :முஸ்லிம் 588)
2-பெரும் பொய்யனான ஒற்றைக் கண்ணன் (அஃவறுல் கத்தாப் )
عَنْ أَنَسٍ، رضى الله عنه قَالَ قَالَ النَّبِيُّ صلى الله عليه وسلم "" مَا بُعِثَ نَبِيٌّ إِلاَّ أَنْذَرَ أُمَّتَهُ الأَعْوَرَ الْكَذَّابَ....
இறைத்தூதர்(ஸல்) அவர்கள் கூறினார்கள்'
இறைவனால் அனுப்பி வைக்கப்பெற்ற எந்த ஓர் இறைத்தூதரும் தம் சமுதாயத்தாரை பெரும் பொய்யனான ஒற்றைக் கண்ணன் (தஜ்ஜால்) குறித்து எச்சரிக்காமல் இருந்ததில்லை.
(ஸஹீஹ் புகாரி : 7131. )
3- வழிகேடான மஸீஹ்(மஸீஹ்ஹுழ் ழலாழா )
நபி (ஸல் )கூறினார்கள் மஸீஹ்ஹுழ் ழலாழா கிழக்குத் திசையில் இருந்து வெளிப்படுவான் (நூல் : இப்னு ஹிப்பான் 6812)
4- ஒற்றைக்கண் தஜ்ஜால்
நபி (ஸல் )கூறினார்கள் ஒற்றைக்கண் தஜ்ஜால்(அஃவர் தஜ்ஜால் )கிழக்குத் திசையில் இருந்து வெளிப்படுவான் அப்போது மக்கள் கருத்து வேறு பட்டு குழுக்களாக இருக்கும் காலத்தில் அவன் வெளிப்படுவான் (நூல் : இப்னு ஹிப்பான் 6812)
குறிப்பு : தஜ்ஜால் ஆகிய இவனுக்கு மஸீஹ்ஃ (خ) தஜ்ஜால் என்று பெயர் சொல்வது சரி இல்லை.
(இப்னு அப்துல்பர் ( ரஹ்) கூறினார்கள் )
சில ஹதீஸ் அறிவிப்பாளர்கள் தஜ்ஜால் விடயத்தில் பின்வருமாறு கூறியுள்ளார்கள்
"மிஸீஹ் " என்றும்
மேலும் சிலர் "மஸீஹ்ஃ (خ) " அதாவது (ஃஹ்خ) உச்சரிப்பு கொண்டு கூறி உள்ளார்கள்.
இவைகள் அறிஞ்சர்களிடம் தவறாகும்.
(நூல் : தம்ஹீத் 14/188)
சகோதரர்கள் அனைவருக்கும்
எம்முடைய வேண்டுகோள், தினமும்
உங்களின் தொழுகையில்
அல்லாஹ்விடம் தஜ்ஜாலின் தீங்கில்
இருந்து பாதுகாப்பு தேடுங்கள்,
அல்லாஹ் நம்மை பாதுகாப்பானக! ஆமீன்
