مسند أحمد بن حنبل - 4803
حَدَّثَنَا يَحْيَى ، عَنْ مَالِكٍ ، عَنْ نَافِعٍ ، عَنِ ابْنِ عُمَرَ ، عَنِ النَّبِيِّ صَلَّى اللَّهُ عَلَيْهِ وَسَلَّمَ : " إِذَا نُودِيَ أَحَدُكُمْ إِلَى وَلِيمَةٍ فَلْيَأْتِهَا . "
شعيب الأرنؤوط: إسناده صحيح على شرط الشيخين
مسند أحمد تخريج شعيب الأرنؤوط: (333/8)
நபி ( ஸல் ) அவர்கள் கூறினார்கள் :
உங்களில் ஒருவர் மணவிருந்துக்கு ( வலீமா ) அழைக்கப்பட்டால் ( அழைப்பை ஏற்று ) மணவிருந்துக்குச் செல்லட்டும்.
இதை இப்னு உமர் ( ரலி ) அவர்கள் அறிவிக்கிறார்கள்.
நூல் : முஸ்னத் அஹ்மத் 4803
ஹதீஸ்யின் தரம் :
மேற்கண்ட ஹதீஸ்யை ஹதீஸ் துறை வல்லுநர் இமாம் ஷுஜப் அல் - அர்னாவூத் ( ரஹ் ) தங்களுடைய மேலாய்வில் இமாம் புஹாரி மற்றும் இமாம் முஸ்லிம் ஆகியோரின் நிபந்தனைகளுக்கேற்ப ஸஹீஹான செய்தி ஆகும் என்று கூறுகிறார்கள்.
விளக்கம் :
இந்த நபிமொழி,மார்க்கம் அனுமதித்துள்ள எல்லா விருந்துகளுக்கும் பொருந்தும் என்று அறிஞர்கள் சிலர் கூறுகின்றனர்.வேறுசிலர்,இது வலீமா விருந்தையே குறிக்கிறது என்கின்றனர்.ஆக ,இது போன்ற விருந்தழைப்புகளை ஏற்று,விருந்துக்குச் செல்வது கட்டாயமாகும் என்பதே பெரும்பான்மையோரின் கூற்றாகும்.
ஒருவர் அன்புடன் விருந்துக்கு அழைக்க,அதைத் தகுந்த காரணமின்றி ஏற்க மறுக்கும்போது அழைத்தவரின் மனம் புண்படும். இது ஒருபுறமிருக்க, தக்க காரணமின்றி விருந்தழைப்பை ஏற்க மறுப்பவரின் உள்ளத்தில் மமதை ஏற்படுகிறது.
இது பகைமை உருவாவதற்கும் அது தொடர்வதற்கும் வாய்ப்பாக அமைந்துவிடக்கூடும்.
மேலும் மனக்கசப்பு உள்ளவர்கள் கூட மார்க்கம் அனுமதிக்கும் இதுபோன்ற விருந்தில் கலந்துகொள்வதன் மூலம் இணைந்துகொள்ள ஓர் இனிய வாய்ப்பு உருவாகிறது. இத்தகைய சந்தர்ப்பங்களைத் தவறவிடும்போது உறவுகளைப் புதுப்பித்துக்கொள்ள முடியாமலேயே போய்விடும்.
உறவைத் துண்டித்து வாழ்வது பெரும் பாவமல்லவா ? இருவர் விருந்துக்கு அழைத்திருந்தால், முதலில் அழைத்தவரின் அழைப்பை ஏற்க வேண்டும்.
இருவரும் ஒரே நேரத்தில் விருந்துக்கு அழைத்தால். முதலில் அழைத்தவரின் அழைப்பை ஏற்க வேண்டும்.
இருவரும் ஒரே நேரத்தில் விருந்துக்கு அழைத்தால் , இருவரில் மிக நெருக்கமான உறவினர் யாரோ அவரது விருந்துக்குச் செல்வதே முறையாகும்;
உறவிலும் இருவரும் சமமாக இருந்தால் , சீட்டுக் குலுக்கிப் போட்டுப் பார்க்கலாம் என்று அறிஞர்கள் கூறுகிறார்கள். ( துஹ்ஃபத்துல் அஹ்வதீ )