கல்வி குறித்து ஸலபுகளின் கூற்றுக்கள்

بسم الله الرحمن الرحیم

உயர்ந்தோன் அல்லாஹ் கூறுகின்றான்:

கற்றோரும் கல்லாதோரும் சமமாவார்களா? என்று (நபியே!) நீர் கூறுவீராக!அறிவுடையோர் மட்டுமே அறிவுரை பெறுவர். (அல் குர்ஆன், 39:9)

நிச்சயமாக அல்லாஹ்வை அவனுடைய அடியார்களில் அஞ்சிக் கொள்வதெல்லாம் (அவனைப்பற்றி அறிந்த) கல்விமான்கள் தாம். (அல்குர்ஆன் 35:28)

இது கல்வியின் சிறப்பிற்கான ஒரு ஆதாரமாக உள்ளது. ஏனெனில், அது (கல்வியானது) அல்லாஹ்வுடைய அச்சத்தின் பக்கம் அழைக்கக்கூடிய ஒன்றாக இருக்கின்றது. 

 تفسير السَّعْدِي

1. நபி (ﷺ) அவர்கள் கூறினார்கள்:

சொர்க்கவாசிகளில் சிலர் நரகவாசிகளில் சிலரை எட்டிப் பார்ப்பர். அப்போது, அந்தச் சொர்க்கவாசிகள் (நரகவாசிகளிடம்), "அல்லாஹ்வின் மீதாணையாக! உங்களிடம் இருந்து கற்றுக்கொண்டதன் மூலமாகவே நாங்கள் சொர்க்கத்திற்குச் சென்றுள்ளோம். (அவ்வாறிருக்க,) நீங்கள் நரகத்தில் நுழைந்ததற்குக் காரணம் என்ன?" என்று கேட்பர்.

அதற்கு அவர்கள், "நாங்கள் (எல்லாருக்கும்) சொல்லிக்கொண்டுதான் இருந்தோம். ஆனால், நாங்கள் செயல்படவில்லை" என்று கூறுவர்.

[நூல்: இப்னு அசாகிர்]

ஆதாரம்: தஃப்சீர் இப்னு கஸீர்

2.. அல்லாஹ்வின் தூதர் (ﷺ) கூறினார்கள்:

ஒவ்வொரு தலைமுறையிலும் நீதி பேணுகிறவர்களே இந்தக் கல்வியைச் சுமந்து செல்கிறார்கள். அவர்கள்தாம் வரம்புமீறிகளின் திரிபுவாதங்களையும், பொய்யர்களின் அசத்திய வாதங்களையும், மூடர்களின் பொய்யான விளக்கங்களையும் நிராகரிப்பார்கள்.

அறிவிப்பாளர்: அபுத்தர்தா (رضی الله عنه)

ஆதாரம்: முஸ்னது பஸ்ஸார் 9423, மிஷ்காத் அல்மஸாபீஹ் (அல்அல்பானீ - ஸஹீஹ்) 248

3. அல்லாஹ்வின் தூதர் (ﷺ) அவர்கள் கூறினார்கள்:

طَلَبُ العِلمِ فَرِیضَة عَلَی کُلِّ مُسلِم

கல்வியைத் தேடுவது ஒவ்வொரு முஸ்லிம் மீதும் கட்டாயக் கடமை.

அறிவிப்பாளர்: அனஸ் இப்னு மாலிக் (رضی الله عنه)

ஆதாரம்: சுனன் இப்னுமாஜா - 224, ஸஹீஹ் அத்தர்ஃகீப் வத்தர்ஹீப் - 72

4. அலீ இப்னு அபீதாலிப் (رضی الله عنه) சொல்கிறார்கள்: 

கல்வி இல்லாதவர்கள் கூட தமக்குக் கல்வி இருப்பதாக வாதிப்பதும், அவர்களைக் கல்வி உள்ளவர்கள் என்றால் மிகிழ்ச்சி அடைவதுமே கல்வியின் அருமைக்குப் போதிய ஆதாரமாகும். மேலும், அறியாமை தன்னிடம் இருக்கக் கூடாது என்று அறியாமையில் இருப்பவர்கள் கூட விரும்புவது, அதன் இழிவுக்குப் போதிய ஆதாரமாகும்.

ஆதாரம்: தத்கிரத் அஸ்ஸாமிஃ வல்முத்தகல்லிம், பக்கம்: 10

5. அபுத்தர்தா (رضی الله عنه) அறிவிக்கிறார்கள்:

அல்லாஹ்வின் தூதர் (ﷺ) அவர்கள் சொல்ல நான் கேட்டிருக்கிறேன். அவர்கள் சொன்னார்கள்: 

யார் கல்வியைத் தேடி ஒரு பாதையில் போகிறாரோ, அல்லாஹ் அவர் போகிற பாதையைச் சொர்க்கத்தின் பாதைகளில் ஒரு பாதையாக ஆக்குவான்.

கல்வியைத் தேடுபவர் மீது திருப்தி அடைந்தவர்களாக தங்கள் இறக்கைகளைத் தாழ்த்துகிறார்கள் மலக்குகள்.

ஓர் அறிஞருக்காக வானங்களில் உள்ளவர்களும் பூமியில் உள்ளவர்களும் பாவமன்னிப்புத் தேடுகிறார்கள். கடலின் ஆழத்தில் உள்ள மீன்களும் அவருக்காக பாவமன்னிப்புத் தேடுகின்றன. 

வணக்கசாலிக்கு முன்பு ஓர் அறிஞருக்கு இருக்கும் சிறப்பு, எல்லா நட்சத்திரங்களுக்கு முன்பு முழு நிலவுக்கு இருக்கும் சிறப்பைப் போன்றது.

நிச்சயமாக  அறிஞர்கள், நபிமார்களின் வாரிசுகள். நிச்சயமாக நபிமார்கள், தங்கக் காசுகளையோ வெள்ளிக் காசுகளையோ வாரிசுச் சொத்தாக விட்டுச் செல்லவில்லை. அவர்கள் விட்டுச் சென்ற சொத்து, கல்விதான். யார் அதை எடுத்துக்கொண்டாரோ, அவரே மிகப் பெரிய பங்கை எடுத்துக்கொண்டவர்.

ஆதாரம்: சுனன் அபூதாவூது - 3643

6. முஆது இப்னு ஜபல் (رضی الله عنه) அவர்கள் கூறினார்கள்:

கல்வி (அல் இல்ம்) கற்றுக்கொள்ளுங்கள்.

அல்லாஹ்வுக்காக அதைக் கற்றுக்கொள்வது இறையச்சமாகும்.

அதைத் தேடுவது ஒரு வணக்கம்.

அதை ஒருவருக்கொருவர் சேர்ந்து படிப்பது இறைத்துதி (தஸ்பீஹ்).

அதை ஆய்வு செய்வது ஜிஹாது.

அதை அறியாதவருக்குக் கற்றுத் தருவது தர்மம். 

அதை உரியவர்களிடம் செலவழிப்பது (அதாவது ஆர்வமானவர்களுக்குக் கற்பிப்பது) அவர்களின் நெருக்கத்தைப் பெற்றுத் தரும்.

தனிமையில் அதுவே துணை; நண்பன்.

மகிழ்ச்சியின்போது ஆதாரமாக அமையும். துன்பத்தின்போது உதவியாளனாக இருக்கும்.

நண்பர்களிடத்தில் அமைச்சரைப் போன்றது. அந்நியர்களிடத்தில் உறவினரைப் போன்றது.

சுவர்க்கப் பாதைக்குக் கலங்கரை விளக்கமானது.

கல்வியைக் கொண்டு அல்லாஹ் சில சமுதாயங்களை உயர்த்தி விடுகிறான்.

நன்மையான விஷயங்களில் அவர்களைத் தலைவர்களாகவும், அனைவரும் அவர்களைப் பின்பற்ற வேண்டிய வழிகாட்டிகளாகவும் ஆக்கிவிடுகிறான்.

ஆதாரம்: ஜாமிஉ பயானில் இல்ம் வஃபள்லிஹி 1/115

7. அபூ யூசுப் (رحمه الله) கூறுகிறார்கள்:

மக்களே! நீங்கள் தேடும் கல்வியின் மூலம் அல்லாஹ்வை நாடுங்கள். உறுதியாகச் சொல்கிறேன். எந்தச் சபையில் நான் அங்கு அமர்ந்துள்ள மக்களிடம் பணிந்தவனாக எனது எண்ணத்தை ஆக்கிக்கொண்டு அமர்ந்தேனோ, அங்கிருந்து புறப்படும்போது அந்த மக்களைவிட மேன்மையடையாமல் இருக்கவில்லை. எந்தச் சபையில் நான் அங்கு அமர்ந்துள்ள மக்களைவிட என்னை மேலானவனாகக் கருதிக்கொண்டு அமர்ந்தேனோ, அங்கிருந்து புறப்படும்போது அந்த மக்கள் முன் இழிவடையாமல் இருக்கவில்லை.

கல்வியானது பல வணக்கங்களில் ஒரு வணக்கம். அல்லாஹ்வை நெருங்குவதற்கான பல வழிகளில் ஒரு வழி. ஆகவே, ஒருவர் தம் எண்ணத்தைத் தூய்மைப்படுத்திய நிலையில் அதைத் தேடினால், அவருடைய அமல் தூய்மையானதாக, ஏற்றுக்கொள்ளப்பட்டதாக ஆகும். அதனுடைய அருள்வளம் (பரக்கத்) முழுமையாகக் கிடைக்கும். ஆனால் அவர் அல்லாஹ்வுக்காக என்றில்லாமல் வேறு காரணத்திற்காக அதைத் தேடினால், அவருடைய செயல் வீணாகிவிடும். அவரின் வியாபாரம் (அதாவது கல்வியைத் தேடுவது கொண்டு அல்லாஹ்விடம் பெற இருந்த இலாபங்கள்) நஷ்டத்தில் முடியும். ஏன், அவர் எதிர்பார்த்த உலக ஆதாயங்களும் கிடைக்கப் பெறாமல், எதையும் அடையாத நிலைக்கும் அவர் ஆளாகலாம். மொத்தத்தில் அவர் தம் இலக்கை அடைவதில் தோல்வி அடைகிற அதே சமயம், தம் முயற்சிகள் அனைத்தையும் வீணாக்கியவராகவும் ஆகிவிடுவார்.

ஆதாரம்: தத்கிரத் அஸ்ஸாமிஃ வல் முத்தகல்லிம் 69-70

8. இமாம் அவ்ஸாயீ (رحمه الله) கூறுகிறார்கள்:

முஹம்மது (ﷺ) அவர்களின் தோழர்கள் என்னவெல்லாம் அறிவித்தார்களோ, அதுதான் கல்வி. அதற்கு அப்பால் எதுவும் கல்வி இல்லை.

ஆதாரம்: ஜாமிஃ பயானில் இல்ம் வ ஃபள்லிஹி 2/29

9. இஸ்ஹாக் இப்னு ராஹவைஹி (رحمه الله) சொல்கிறார்கள்:

கல்வியைத் தேடுவது கட்டாயக் கடமையாகும். இது குறித்து வந்துள்ள அறிவிப்பு ஆதாரப்பூர்வமாக இல்லை என்றாலும் கடமைதான். ஏனெனில், கல்வியைத் தேடுபவர் அவருக்கு அவசியமானதைக் கற்றுக்கொள்வது அவருக்குக் கடமை. அவரின் வுளூ, தொழுகை, அவரிடம் செல்வம் இருந்தால் அவரின் ஸகாத், ஹஜ்ஜு இதுபோன்ற கடமைகளைச் சரியாக செய்து முடிக்க அவருக்குக் கல்வி கட்டாயம்.

மேலும் கூறுகிறார்கள்: ஒருவர்தம் மீது கடமையானக் கல்வியைக் கற்பதற்கு ஊரை விட்டு வெளியே செல்ல வேண்டியிருந்தால் அதற்காக அவர்பெற்றோரிடம் அனுமதி கேட்க வேண்டியதில்லை. ஆனால் உபரியான கல்வியைக் கற்பதற்கு ஊரை விட்டு வெளியே செல்ல வேண்டியிருந்தால் அதற்குப் பெற்றோரிடம் அனுமதி பெற வேண்டியது அவசியமாகும்.

ஆதாரம்: ஜாமிஉ பயானில் இல்மி வஃபள்லிஹி 1/9

10. இமாம் இப்னுல் கய்யிம் (رحمه الله) அவர்கள் கூறினார்கள்:

கல்வியைத் தடுக்கக்கூடிய விஷயங்கள் ஆறு விஷயங்களாகும்.

1. கேள்வியை விட்டுவிடுதல். (அதாவது கேள்வி கேட்காமல் இருப்பது).

2. செவிதாழ்த்திக் கேட்காமல் அமைதியாக இருத்தல்.

3. தவறான புரிதல்.

4. மனனம் செய்யாமை.

5. அதைப் பரப்பாமலும் பிறருக்குக் கற்றுக்கொடுக்காமலும் இருத்தல். யார் கல்வியைச் சேர்த்து வைத்துவிட்டு, அதனைப் பரப்பமல், கற்றுக்கொடுக்காமல் இருக்கிறாரோ, அவரை அல்லாஹ் மறதியைக் கொண்டு சோதித்துவிடுவான். அதாவது அவரது கல்வியை மறக்கடித்துவிடுவான். இதை நாம் தெளிவாக உணர முடியும்.

6. அதன்படி செயல்படாமல் இருத்தல். அதன்படி செயல்படுதல் அதனை நினைவுபடுத்துவதற்கும் அதனைச் சிந்திப்பதற்கும் காரணமாக அமைகிறது. ஒருவர் அதன்படிச் செயல்படவில்லை என்றால், அதனை அவர் மறந்துவிடுவார்.

يَرْفَعِ اللّٰهُ الَّذِيْنَ اٰمَنُوْا مِنْكُمْ ۙ وَالَّذِيْنَ اُوْتُوا الْعِلْمَ دَرَجٰتٍ .11

 ‌  

உங்களிலுள்ள ஈமான் கொண்டவர்களுக்கும், கல்வியறிவு கொடுக்கப்பட்டோருக்கும் அல்லாஹ் பதவிகளை உயர்த்துவான். (அல்குர்ஆன் 58:11)

இப்னு உ'தைமீன் ரஹிமஹுல்லாஹ் கூறினார்கள்: 

எவருடைய ஈமான் மிக உறுதியானதாக இருக்குமோ, அவருடைய உயர்வு மிக்க மேலானதாக இருக்கும். 

மேலும், எவருடைய கல்வியறிவு மிக விசாலமானதாக, மிக அதிகமாகப் பரவி, முஸ்லிம்களுக்கு மிகப் பயனுள்ளதாக இருக்குமோ, அவருடைய உயர்வும் மிக்க மேலானதாக இருக்கும்.

ஸில்ஸிலது லிகாஇல் பாபில் மஃப்தூஹ், 235a

وَقُلْ رَبِّ زِدْنِي عِلْمًا .12

“இன்னும், என் இறைவனே! எனக்கு கல்விஞானத்தை அதிகப்படுத்துவாயாக" என்று நீர் (பிரார்த்தனை செய்து) கூறுவீராக (அல்குர்ஆன் 20:114)

அஷ்ஷைஃக் அப்துர் ரஹ்மான் இப்னு நாஸிர் அஸ்ஸ’அதி ரஹிமஹுல்லாஹ் கூறினார்கள்:

அல்லாஹ், (மார்க்கக்) கல்விஞானம் அதிகரிக்க அவனிடம் (பிராத்தித்துக்) கேட்குமாறு (நபி ﷺ) அவர்களுக்கு கட்டளையிட்டுள்ளான்.

ஏனெனில், கல்வியானது நலவாகும். மேலும் அதிகமான நலவென்பது நாடப்படும் ஒரு விடயமாகும். அது அல்லாஹ்விடமிருந்து ஏற்படுகின்றது.

மேலும் கடினமாக உழைப்பது, கல்வியில் பேராவல் கொள்வது, அல்லாஹ்விடத்தில் (அதனை) கேட்பது, அவனிடத்தில் உதவி தேடுவது மற்றும் அவன் பக்கம் எந்நேரமும் தேவையுடன் இருப்பது ஆகியன அதற்கான (கல்விஞானம் அதிகரிப்பதற்கான) வழியாகும்.

 تفسير السَّعْدِي 

13. அல்ஹஸன் அல்பஸரி رحمه الله கூறினார்கள்:

التَّعَلُّمُ فِي الصِّغَرِ كَالنَّقْشِ فِي الحَجَرِ

சிறுவயதில் கற்பது கல்லில் பொறிப்பதைப் போன்றது

அல்ஃபகீஹ் வல்முதஃபக்கிஹ் லில் ஃகதீப் அல்ப'க்தாதி, பக்கம் 181

14. இப்னு மஸ்'ஊத் رضي الله عنه கூறினார்கள்:

تعلموا فإن أحدكم لا يدري متى يحتاج إليه

(மார்க்கத்தை) கற்றுக் கொள்ளுங்கள்! ஏனெனில், உங்களில் எவரும் எப்போது அவரின் பால் (பிற மக்களுக்கு) தேவையேற்படும் என்பதை அறிய மாட்டார்.

அல்ஆதாபுஷ் ஷர்' இய்யா, 2/36

15. இப்னு மஸ்'ஊத் رضي الله عنه கூறினார்கள்:

إن أحدكم لم يولد عالما وإنما العلم بالتعلم

நிச்சயமாக, உங்களில் எவரும் ஆலிமாக பிறக்கவில்லை, கல்வியென்பது கற்றுக் கொள்வதின் மூலமே (ஏற்படும்). 

அல்ஆதாபுஷ் ஷர்'இய்யா, 2/35

16. அப்துல்லாஹ் இப்னு மஸ்வூத் رضي الله عنه அவர்கள்:

اغْدُ عالِمًا، أو مُتعلِّمًا، ولا تَغْدُ إمَّعةً فيما بيْنَ ذلك

 "ஆலிமாக இரு அல்லது கற்றுக் கொள்ளக்கூடிய மாணவனாக இரு அதற்கு மத்தியிலான இம்ம'அஹ்வாக இருக்காதே" என்று கூறக் கூடியவர்களாக இருந்தார்கள். 

ஜாமி'உ பயானில் இல்மி வஃப' த்லிஹி, 2/112

மற்றொரு அறிவிப்பில், 'இம்ம'அஹ்' என்றால் என்னவென்று கேட்டார்கள். (அதற்கு) அவர்கள்: "(வீசுகின்ற) ஒவ்வொரு காற்றுடனும் செல்லக்கூடியவர்" என்று கூறியதாக வந்துள்ளது.

'இதிலாலுல் குலூப், 381

17. இப்னுல் கைய்யிம் رحمه الله இதற்கு விளக்கமளிக்கையில் கூறினார்கள்:

இம்ம'அஹ்வை - கண்மூடித்தனமாக பின்பற்றுபவரை - உலமாக்கள் மற்றும் மாணவர்களின் கூட்டத்திலிருந்து வெளியேற்றி விட்டார்கள். அது அவர்கள் - ர'தியல்லாஹு அன்ஹு - கூறியது போன்றே.

அது ஏனெனில், அவர் உலமாக்களுடனும் இல்லை, கல்வி மற்றும் ஆதாரத்தைத் (தேடிக் கற்கின்ற) மாணவர்களுடனும் இல்லை.

'இஃலாமுல் முவக்கீ'ஈன், 2/168

18. உமர் رضي الله عنه கூறினார்கள்:

تَفَقَّهُوا قَبْلَ أَنْ تُسَوَّدُوا

நீங்கள் தலைவர்களாக ஆக்கப்படுவதற்கு முன்பாக (மார்க்கத்தில்) விளக்கத்தைப் பெறுங்கள்.

அபூ உபைத் ரஹிமஹுல்லாஹ் அவர்களுடைய புத்தகமான "ஃகரீபுல் ஹதீஸில்" இதற்கு விளக்கமளிக்கையில் கூறினார்கள்: அதனுடைய பொருளாவது, நீங்கள் தலைவர்களாக ஆகுவதற்கு முன்பாக, சிறியவர்களாக இருக்கும் பொழுதே (மார்க்கத்தில்) விளக்கம் பெறுங்கள். (அவ்வாறு இல்லையெனில்) உங்களது கண்ணியம் உங்களுக்கு கீழ் உள்ளவர்களிடமிருந்து (கல்வி பெறுவதை) தடுத்துவிடும், பின்னர் நீங்கள் அறிவிலிகளாக இருந்து விடுவீர்கள்.

ஃபத்ஹுல் பாரீ, 1/200

19. யஹ்யா இப்னு அபீ க'தீர் ரஹிமஹுல்லாஹ் கூறினார்கள்:

உடலின் சொகுசுடன் கல்வியை அடைந்து கொள்ள இயலாது.

ஸஹீஹ் முஸ்லிம் 612

20. அஷ்ஷாஃபி'ஈ ரஹிமஹுல்லாஹ் கூறினார்கள்:

கடமையான விடயங்களை நிறைவேற்றுவதற்குப் பிறகு கல்வியைத் தேடுவதை விட சிறந்த ஒன்று இல்லை.

மனாகிபுஷ் ஷாஃபி'ஈ லில்பைஹகி, 2/138

21. இப்னுல் ஜவ்ஸி ரஹிமஹுல்லாஹ் கூறினார்கள்:

இருக்கக்கூடிய விடயங்களிலே கல்வியை விட உன்னதமான ஒன்று இல்லை. அது எவ்வாறு இல்லாமல் (இருக்க முடியும்)!? அதுவே வழிகாட்டியாகும். அது இல்லாமல் போய்விட்டால், வழிகேடு ஏற்பட்டுவிடும்.

ஸைதுல் ஃகாதிர், பக்கம்: 112

22. இப்னுல் ஜவ்ஸி ரஹிமஹுல்லாஹ் கூறினார்கள்:

அறிந்துகொள்! நிச்சயமாக மனிதர்களின் மீது இப்லீஸினுடைய முதல் ஏமாற்று வேலையானது அவர்களை (மார்க்கக்) கல்வியை விட்டும் தடுப்பதாகும். ஏனெனில், கல்வியானது ஒளியாகும். 

எனவே, அவர்களின் (ஒளிதரும்) விளக்குகளை அவன் அணைத்துவிட்டால், அவன் நாடிய விதத்தில் அவர்களை இருளில் தட்டழியுமாறு செய்துவிடுவான்.

தல்பீஸ் இப்லீஸ், 1/289

23. அபூதர்தா رضي الله عنه கூறினார்கள்:

(மார்க்கக்) கல்வியைத் தேடுங்கள். அதனை நீங்கள் தேடவில்லை என்றால், அதனுடைய மக்களை நேசியுங்கள். அவர்களை நீங்கள் நேசிக்கவில்லை என்றால், அவர்களை நீங்கள் வெறுக்காதீர்கள்.

அஸ்ஸுஹ்'த் லில்இமாம் அஹ்மத், பக்கம்: 113

24. இமாம் அஹ்மத் ரஹிமஹுல்லாஹ் கூறினார்கள்:

"கல்வியானது, (அதைக் கற்பதில்) ஒருவருடைய நிய்யத் சரியாக இருக்குமெனில் அதற்கு எந்தவொன்றும் ஈடாகாது". அவர்கள் (மக்கள்), "அது எவ்வாறு"? என்று கேட்டனர். (அதற்கு) "அவர் தன்னிடமிருந்தும் மற்றவர்களிடமிருந்தும் அறியாமையை நீக்க நிய்யத் வைப்பதாகும்" என்று (பதில்) கூறினார்கள். [நி.விட்டது]

ஏனெனில், அவர்களிடத்தில் (பொதுமக்களிடத்தில்) இயல்பாக இருப்பது - உன்னிடத்தில் இருப்பது போல - அறியாமையே ஆகும். எனவே, இந்த உம்மத்திலிருந்து அறியாமையை நீக்குவதற்காக நீ கற்றுக் கொண்டால், அல்லாஹ்வுடைய தீனை பரப்புகின்ற அல்லாஹ்வுடைய பாதையில் போராடுகின்ற முஜாஹிதீன்களிலிருந்து (ஒருவனாக) நீ ஆகிவிடுவாய்.

கிதாபுல் 'இல்ம் லிப்னி உ'தைமீன், பக்கம்: 29

25. அஷ்ஷைஃக் ஸாலிஹ் அல்ஃபவ்ஸான் ஹஃபிதஹுல்லாஹ் கூறினார்கள்:

(தங்களை) அறிஞர்களைப் போல் காட்டிக் கொள்பவர்கள், இன்னும் கல்வியும், அறிவும் இருப்பதாகக் கூறிக்கொள்பவர்கள் இந்த காலத்தில் அதிகமாக இருக்கின்றார்கள். அவரோ கல்வியை அதன் மூல ஆதாரங்கள் மற்றும் அதன் அடிப்படைகளில் இருந்து எடுக்கவில்லை.

தன்னைப் போன்றோரிடமிருந்து அல்லது (வெறுமனே) புத்தகங்களிலிருந்து அல்லது - அவர்கள் கூறுவது போல - கலாச்சாரங்களில் இருந்து எடுத்துக் கொள்கின்றார். இது நலவின் பக்கமோ, சரியான பாதையின் பக்கமோ கொண்டு சேர்க்காது. மன்ஹஜுஸ் ஸலஃபைப் பற்றிப் பிடித்திடவும், அதன்மீது பயணிக்கவும் அதனை சரியாகப் பயில்வதென்பது கண்டிப்பாக இருத்தல் வேண்டும்.

 منهج السلف الصالح وحاجة الأمة إليه

26. உமர் இப்னு அப்தில் அஸீஸ் ரஹிமஹுல்லாஹ் கூறினார்கள்:

எவரொருவர் கல்வியறிவு இல்லாமல் அமல் செய்வாரோ, அவர் சீர்கெடுப்பது அவர் சீர்செய்வதை விட அதிகமாகும்.

அஷ்ஷைஃக் அப்துர் ரஸ்ஸாக் அல்பத்ர் இதற்கு விளக்கமளிக்கையில் கூறினார்கள்:

உண்மையைக் கூறினார் - அல்லாஹ் அவருக்கு ரஹ்மத் செய்வானாக -  மக்களில் நிறைய பேர் கல்வியும், நேர்வழியுமின்றி இபாதத்தில் ஈடுபாடு காட்டுவதனாலயே அன்றி, சமூகத்தில் பித்'அத்துகளும், மனோ இச்சைகளும், வழிகேடுகளும் பரவிற்றா?!

 https://al-badr.net/muqolat/2671

27. அல்லாஹ்வின் தூதர் ﷺ அவர்கள் கூறினார்கள்:

إن من أشراط الساعة أن يلتمس العلم عند الأصاغر

நிச்சயமாக மறுமை நாளின் அடையாளங்களிலிருந்து உள்ளதாவது, கல்வியானது சிறியவர்களிடமிருந்து தேடப்படும்.

அல்அல்பானி رحمه الله கூறினார்கள்:

எனக்கு வெளிப்படுவது, இங்கே சிறியவர்கள் என்பதைக் கொண்டு நாடப்படுவது, அல்குர்ஆன் வஸ்ஸுன்னாஹ்வைப் பற்றிய (மார்க்க) விளக்கமின்றி பேசக்கூடிய அறிவிலிகள் என்பதாகும். 

 السِّلْسِلَةُ الصَّحِيحَة ٢/ ٣١٠

“சிறியவர்கள் யார்?” என இப்னுல் முபாரக் ரஹிமஹுல்லாஹ் அவர்களிடம் கேட்கப்பட்டது. “தங்களது சுய கருத்துகளைக் கொண்டு பேசக்கூடியவர்கள்” என்று கூறினார்கள். 

 الزُّهْد، ١/٢١

மற்றொரு அறிவிப்பில், “அவர்கள் பித்’அத்வாதிகள்” என்று கூறியதாக வந்துள்ளது. 

 الزُّهْد ،٥١

28. அல்லாஹ்வின் தூதர் ﷺ அவர்கள் கூறினார்கள்:

البركة مع أكابركم 

பரக்கத்தானது உங்களுடைய பெரியவர்களுடன் இருக்கின்றது. 

ஸஹீஹுல் ஜாமி'ய் 2884

இப்னு மஸ்வூத் رضي الله عنه கூறினார்கள்:

கல்வியானது முஹம்மத் ﷺ அவர்களுடைய தோழர்களிடமிருந்தும், அவர்களுடைய  பெரியவர்களிடமிருந்தும் வரும் காலமெல்லாம் மக்கள் நலவிலே இருப்பர். மேலும், எப்போது அவர்களுடைய சிறியவர்களின் புறத்திலிருந்து கல்வியானது வருமோ, அப்போது அவர்கள் அழிந்து விடுவர். 

அல்முஃஜமுல்கபீர் லித்தபரானி, 8510

அபூஹாமித் அவர்கள் கூறினார்கள்: இப்ராஹீம் அல்ஹர்பி அவர்கள், “கல்வியானது அவர்களுடைய பெரியவர்களின் புறத்திலிருந்து வரும் காலமெல்லாம் (மக்கள்) நலவிலே இருப்பர்” என்ற கூற்றைக் குறித்து கூறக் கேட்டேன். 

(அவர்கள் கூறினார்கள்): அதன் பொருளாவது, சிறியவரானவர் அல்லாஹ்வின் தூதர் ﷺ அவர்கள், ஸஹாபாக்கள் மற்றும் தாபி’ஊன்களின் வார்த்தையை எடுத்து (பின்பற்றுவாரெனில்), அவர் பெரியவராவார். மேலும், வயதான பெரியவரானவர் அபூஹனீஃபா (போன்ற அறிஞர்களு)டைய வார்த்தையை எடுத்து விட்டு ஸுன்னாஹ்க்களை விட்டு விடுவாரெனில், அவர் சிறியவராவார். 

ஷர்ஹ் உஸூலிஃதிகாத் அஹ்லிஸ் ஸுன்னாஹ் வல் ஜமா'அஹ், 1/83